公路

聽d師兄講, 好似屯門, 吐露講公路都週不時會見鬼.. 咁就講返個公路的經歷.. 故事發生係新田公路,,錦秀花園附近, 記得差唔多都20年.

我個時有個同學叫呀聰, 係我地同輩中最快有車牌,咁就買左架二手sunny楂,  個時好威架, 我都成日坐佢架車來來回回元朗去上水. 

有次, 我地四個人左係佢架車遊車河, 我係坐車頭,  差唔多到新田附近, 我見到公路邊好似有個女人截車. (個陣無諗過公路點解有人係度接車), 咁我就好心同呀聰講啦, 前面有人截車, 駛唔駛停低睇下. 點知呀聰講邊有呀, 咁就無停去上水方向. 我問返學面兩兩個朋友, 佢地都話無見到. 咁就當我眼花.

之後我地去坐落馬州瞭望台停低, 吹水飲下酒, (個時皇崗個邊有咁繁榮呀, 燈光都好少), 我就話頭先係公路見到有個女人截車, 你地真係無見到呀, 佢地三個都話無見到. 咁就算吧, 都無理有深究..

咁差唔多2:30, 我地都走啦, 今次返去, 我左車後面, 我其中一個朋友坐車頭, 差唔多到新田附近, 我又見到頭先個女人截車.. (明明頭先係去上水方向, 點解今次係元朗方向呢). 咁我就好大聲叫呀聰停抵. 我再望返個個位, 咦..無人既.. 我就比佢三個小到上天.  唔同我係眼花定又係見到個d野呀....
咁算啦, 我都平平安安返到屋企.

之后個星期六, 呀聰話又出車啦, 問我去唔去, 我話唔去啦, 我聽日要踢元朗區聯賽, 你地玩得開心d啦. 咁到第二朝, 我媽就晨咁早叫鬼醒我, 話有電話, 咁我就去聽下邊個卜街咁早打理啦,

原來係呀聰個大佬打比我, 話呀聰炒車係博愛急救緊, 另外佢個朋友就重傷, 不過就無乜大礙.. 咁我就去博愛睇下佢地啦. 好彩呀聰只係斷左幾條胸骨, 斷左隻左手骨. (唉, 個日都無去踢波, 無晒心機啦).

我見到佢地, 就問咩事呀, 咁q大鍋呀. 咁其中最輕傷個位就話, 去到新田附近, 特然係收音機聽到, 點解你地唔停車呀.... 之后就炒車啦. 咁就問呀聰啦, 佢話明明播咁歌, 特然就聽到頭先個段野. 聽完係倒后鏡見到有個女人坐係後面, 跟住就炒車.. (之后就暈左).

之后架車都唔要得啦, 咁囉返去劏車房啦, 點知個車佬一check, 話理架車係一年前係新田炒車, 個司機同后坐個女人雙雙身亡...都唔知係唔係, 老吹褂, 佢話個架車係到整返好先羅出去賣架, 邊會唔記得呀....! 有無咁邪呀......之后過左幾年....呀聰係新田公路向上水方向交通意外死亡, 享年26歲.... (出事位置就係我見個女人截車位置)

最后: 唔通真係咁邪.. 另外你地買二手車, 最好check清楚上手d野呀.

作者：elfchan30