守護神

各位師兄如果睇過或聽過d新聞, 好多時會聽到有d細路仔係好高處跌落理都無事. 例如係10縷跌落理. 另外個d細路仔都係5歲以下. 可能你地會覺得好好彩, 但係用科學解釋好難話一d傷都無. 連輕傷都無..

聽老一輩d人講, 個d細路仔基本還未懂性, 另外要見到d神靈, 鬼個類係要好純真才會見到. 但佢地大左就會入世, 到時就唔會再睇到.

所以有d人買樓, 一定帶d細路仔去睇下, 如果個細路仔正正常常, 就會安心好多, 相反, 個細路仔無啦啦係到喊, 或者笑, 理間屋就唔好買啦. 一定有d野係到..

咁. 有個朋友同我講, 話佢親戚個隻豬仔 (我地圍村, 係我個年代, 所有細路仔都會改番一d乳名, 例如, 狗仔, 豬仔, 牛仔等, 話咁先會快大喎)成日係新買個間屋笑..問我點睇, 我就話可能係佢d先人或者係d土地公公成日同佢玩啦. 應該無事既. (我細個都見過, 但大左就無晒印象) 如過你驚就安返d神位, 祖先啦.

如是者, 過左幾個月, 我朋友有日急call我, 我就問乜叉啦, 佢話隻豬仔係8樓跌左落街, 最奇怪就係一d事都無, 連去到醫院檢查都話無事. 問我點解?
我就話只有兩個可能, 一就係好好彩, 二就係比佢守護神保住..雖然我朋友講唔係好信, 但真係好難解釋連一d傷都無架.

我話不如我返去問一問d長輩啦, 佢地食鹽多過我食米. 佢地話好多時細路仔背后都有d祖先睇住, 所以bb仔要一定要帶玉, 又可以辟邪, 又可以保祐佢, 但當個細路仔大左, 佢地就會無能為力啦.我聽完就同我諗都大致一樣

所以各位師兄有仔女, 最好比佢地帶玉, 有時真係要信下中國人既智慧.

作者：elfchan30