影

記得差唔多係1995年左右, 我有個老死一個人搬出香港個邊住, 地點應該係西營盤, 西環附近, 都係d好舊既唐樓分租出來. 聽佢講係見到電車路...

記得佢搬去個陣就問我得閒去坐坐, 嘩.. 唔係褂, 係元朗去個邊, 無三個鐘都去唔到啦. 所以我就一次都無去過. 

點知唔夠兩個禮拜, 佢就搬返元朗, 我地就吋佢, 無啦啦搬返來元朗, 一定無好野啦. (我都覺得啦, 唔好學我搬左間陰宅.) 咁我地成班就捉佢去宵夜吹水, 聽佢講為乜搬返元朗啦.

聽佢講番佢個單位係四樓, 合共三伙人, 個包租公講係 一男一女, 加埋佢就係兩男一女 (真係個嬲字),可能個女住客係返夜班個類啦, 所以無見過佢. 

另外d舊唐樓, 個d樓梯特別陰森恐怖, 又其是夜晚, 有d燈係壞添.. 真係黑到乜都見唔到. (心諗, 明知就唔好租啦, 係要搵d平租個隻)

聽老死講, 搬去個晚, 可能陌生地方, 點訓都訓唔著, 咁就開住收音機聽下啦. 佢係將床望上天花板有個大黑影, 咦個影係邊到理呢? 咁就開燈睇下會唔會係d水印啦. (可能d舊唐樓成日都會天花漏水) 開燈又唔見喎. 佢用張凳再望清楚. 原來個個位係番油過, 所以先覺得係有個黑影. 咁佢就唔理訓啦.

到第二朝準備返工出門個陣, 剛剛有個女人係五樓行落理. 我老死就同佢打下招呼, 咁個女人問佢係唔係住係度, 佢話係, 剛剛琴日先搬理. 個個女人講, 夜晚小心d呀, 咁就走左, 我老死個陣都無會意佢講d野, 可能舊唐樓d保安差啦..

個晚係公司ot到10:00 番到去都11:00, 一開門, 點解張被有d好大榻血跡既. 咁佢就跑出去叫另一個男房客去睇下啦, 點鬼知返入房, 個d血跡無晒...唔通ot做到傻左? 咁佢唔好意思同個房客講sorry啦..

到夜晚訓啦, 佢望住個黑影, 頭先明明見張被有血跡架.. 當佢諗下點解, 咁佢望到天花又野滴落理, 咁佢開燈睇下, 原來天花滴咁個d係血理..當佢嚇到死個陣, 原來係發夢... 但諗下, 唔通真係上面有d野發生?

當佢準備出門個陣, 又見到琴日個女人, 今次我老死就問佢理左樓d野啦, 但個個女人就話無野呀. 無事發生, 但佢又問點解要佢夜晚小心d, 個個女人又唔講....

如是者, 過左幾日, 每晚都發埋同一個夢, 佢就覺得真係上面有d野, 到星期日個日, 佢就就上五樓拍門, 應門個位係個阿婆, 咁就問一下呢度發生乜野事啦, 咁婆話幾個月有個女人係間房割脈自殺死, 到發現個女人個陣全個地板都係血. 你好似係第三個人問...

聽完終於明白係乜啦, 咁就call包租公插佢啦, 明知有d野都租比佢, 想佢死呀, 插完個包租公都退返d按金比佢. 

我聽完就諗, 其實都唔關樓下事, 點解會咁? 之后我老死就打聽到話個女人自殺原因就係我老死住個單位前手個租客騙左佢d錢同感情. 我聽完就明晒啦.

后話: 怪唔之得香港人住樓一定要新啦. 如買二手樓或者租樓, 如上手唔乾淨, 分分鐘嚇死都未天光...

作者：elfchan30