忤作

故事發生係70年代左右, 其實做得忤作, 經歷的奇怪事當然比我地d平民佰姓多好多啦, 不過做得忤作, 有些事係唔講得出理.

話說我朋友個老豆繼承父業, 佢老人家幾唔願意都要做, 家族生意嘛.. 

有次, 佢收到元朗警署個order話係洪水橋有兩條屍要收, 係一男一女. 聽d師兄講,好似係為情自殺.

但佢老人家個時係唔好願意下先做忤作, 所以跟本就無用心去做好呢份工. 所以聽d師兄講死左就信. 更唔會求証真係死左未, 咁就出事.(你地見到依家d忤作, 將d死屍放係個鐵箱裡面, 個時都係差唔多)

當佢地準備出發走個陣時, 發覺其中個女屍個箱有d震動, 其中一個忤作話會唔會未死架, 不如開番個箱睇下啦, 點貴鬼知佢老人家話: 邊有呀, 你感覺錯褂, 咁個忤作話唔係呢, 真係郁呢, 開箱睇下啦. 因佢係太子爺所以最后都無開箱睇過就送去殮房等驗屍.

如是者, 佢兩個惡夢就開始啦, 佢老人家係第二日聽到d抓鐵聲, 係好刺耳個d聲, 佢老人家以為係幻覺啦, 所以都唔係好理. 但其中個忤作就去同太子爺講, 你又無聽到個d聲, 佢話有呀: 你都聽到呀. 係呀, 會唔會係個d野呀. 佢兩位人兄諗下, 會唔會係上次個單野呢..(佢唔敢話比佢老豆聽, 衰過一次, 今次都唔知點算.)

咁就就去殮房搵個個主管睇下條屍,並問下條屍有咩異樣啦. (基本上做得死人d工作, 都係好熟) 個主管講話條屍唔似自殺至死, 係窒息至死, 並且所有手指都有傷痕, 好似係到抓野咁啦. 

聽完其中個忤作都心知不妙, 可能個女當時真係無死到, 咁佢當然埋怨個太子爺啦, 今次比你累死啦.
點知, 佢話唔會褂. 

咁佢地最后都唔想講出理啦, 怕比追究, (當時如果警察搾得正呢做, 咁佢兩個必定比人告誤殺), 但係個d刺耳聲一個嚮過一日. 佢地最后忍受唔到就同老板講啦. (又係鬧到死個隻啦), 咁為坐求証, 佢地打開個日裝住條女屍個鐵箱, 見到個蓋好多花痕, 及有d人皮膚係上面. 咁就無花無假啦, 今次連老板都唔知點算..(雖然做得呢行, 但心安理得就沒事)

咁佢地三個就去大樹下天后廟搵個廟祝, 睇下佢有咩方法啦. 點知連佢都話無辦法, 咁啦, 你兩個不如親身誠心向佢道歉, 睇下有無轉機啦. 佢地兩個聽完, 就諗點親身呀, 唔通去殮房咩,點知呀老板講, 你地點都要去一次啦, 呢個係無辦法之中辦法. 唔通唔理呀..

咁, 佢就打電話同個殮房主管講, 個主管都鬧到佢地死死下. 個主管講, 日頭就唔好啦, 夜晚過去啦. 無咁多人知. (佢兩個更加驚啦, 夜晚先去)

當晚個主管特登係度等佢兩個過理, 並話比佢地聽, 個條屍係邊一格. 你地自便啦. 我係門口等你兩個.

咁, 佢兩個入去殮房, 今次就覺得好陰森, 平時都唔覺 (可能真係理虧啦), 去到個條屍個格, 就係耳邊聽到d抓鐵聲, 今次就更加聽到"放我出理呀 ,我未死架...嗚嗚....."

個時佢兩個驚到走返出去, 雖然都30幾歲人, 真係怕到要死呀. 但個主管講, 你地點都要入去, 唔通你地想一世都聽到呢d聲, 另外你地良心會好過?

咁, 佢地聽完個主管講都係有道理, 最壞係咪死囉, 所以決定入番去. 去到個條屍個格, 就拉出理, 並誠心向佢道歉, 並唔係有心架..希望你大人有大量願諒我地.  講完就理埋雙眼, 個時殮房真係好靜, 好靜.
特然佢地耳邊就聽到一句話" 嗚......好啦", 跟住佢地就開番雙眼, 見條屍雙眼流緊眼淚. 咁佢地就將個屍格關埋. 然后就出殮房.

到見到個主管, 見個主官訓咁覺就叫聲佢啦, 個主管問, 點呀, 無事啦, 佢兩個講係呀, 我地都聽到佢願諒左我地.

但係個主管講, 點解會咁耐架, 佢地講好快就聽到, 然后出番來, 但係佢兩個望到個鐘, 原來差唔多12點啦. (但係佢兩個入去個陣係9:00左右, 及講番唔駛15分鐘就出番來)

后話: 我聽完, 我諗以後做事都係應真d好. 

個時佢地入去時間晚上9:00左右

作者：elfchan30