殭屍地

記得係1981年左右啦, 個時屯門剛開始發展, 咁我又個同學仔係屯門住, 有日同我地講, 話要去拜祖先, 問我地有無興趣一切去, 個時我地聽到有人拜祖先都會去架, 拜完有錢分嘛.

個個地方叫良田村, 即係現在青山醫院, 屯門建新村附近啦, 個時一片都係田, 草呀
咁個日我地成班跟同學仔去啦, 拜完等收錢啦, 咁附近又人係到起棺, 準備將d骨放係金塔啦. 

咁當佢地開棺就係到大叫啦, 我地都唔知佢地叫乜, 咁成班去睇下啦, 先發覺個件屍體係完整無缺. 一d都無化, 但d頭髮就好長. 

聽個位忤作講, 理度係殭屍地, 條屍點樣都唔會化架, 依家先幫你放返落去, 等再擇日幫你地火化啦. 咁我同學仔同佢老豆講, 祖先會唔會唔化架, 佢老豆講, 佢呀爺都有講過比佢知理件事. 葬係到, 真係唔化架.

個時第一次聽, 我返去問d長輩啦, 佢地都知, 良田村係殭屍地.

後話 : 現在良景村, 田景村由來就是以前良田村啦

作者：elfchan30