殯儀館

話說我出理做野都好多年, 有d白事, 點都要去, (我諗無人學似我, 全香港殯儀館差不多都去過, 九龍, 香港, 世界, 萬國, 永恆, 寶福山等啦) 之前都講過, 我又時會見到個d野, 另外呢d地方, 基本上我都見唔少... 咁, 我就講一個最奇一個比各位師兄分享一下.

多數出殯程序係前一天守夜, 第二朝先上山或火葬啦. 有次有個九龍朋友老豆過身出殯, 其實我都未見過佢老豆, 但係做朋友點都去鞠躬一下...我記得個日係星期六, 咁下午唔駛返工, 我就早d去, 然后返元朗吃飯.

差唔多4:30左右, 我記得我是最早去的, 見到我朋友都剛剛到, 我就做返d儀式, 然后幫手接下元寶衣紙.  可能真係早得濟, 到5點都無乜人理, 咁我朋友就開飯, 問我一唔一齊 吃食, 我話你地食啦,等你地食完, 我就走. 

個時個靈堂得個一個人, 連堂官見無人, 都就開左.. 我就係到接元寶啦.. 特然有個人拍我背脊, 咁我望返後面啦, 見到個呀伯左係到, 佢問我係邊位, 我話係死者個仔既朋友, 過來鞠個躬.

呀伯講, 你真係有心. 點識我朋友, 我話踢波識...跟住我就無理佢係到接元寶啦,. 跟住又有人拍我, 今次係個婆婆, 佢又問返頭先d野. 咁我就再講一次.  我諗, 可能佢地d親戚朋友未見過我吧...

等我朋友食完飯, 我就話走啦... 我朋友話, 你都未見過我老豆, 去後面睇下好唔好, 我話好啦. 見完就鞠躬就走啦. 我朋友個靈堂係三樓盡頭, 咁我就走啦, 經過尾二個靈堂, 咦, 頭先個阿伯.... (我又見到啦), 咁, 我唔理啦, 去最前個靈堂, 頭先個阿婆... (唔係褂...)

去到LIFT口想走啦, 唉....既然見到, 無理有唔鞠躬啦. 咁我走返朋友個靈堂, 問佢羅D吉儀信封, 封101, 我就走返尾二個靈堂鞠躬, 佢地D親友問我, 你係邊個呢, 我話係佢朋友, 鞠個躬... 然后又到最前個靈堂做返一無一樣既野.. 

剛落樓準備走, 我朋友打比我, 問我係唔係有病呀, 我話, 遲D先同你講啦, 你先忙..(唔通我講比佢聽, 我見到隔離個D先人咩)

所以我個朋友奇人講, 有陰陽眼都唔好去殯儀館, 依家我就明晒.. (唔見左幾佰)

作者：elfchan30