消防員

有次, 個時我都13, 14歲啦, 係我條村唔見左個細路仔, 好似係3, 4歲啦, 當時好鬼緊張, 咁我都有去搵啦, 怕又係去左魚塘個邊, 個時臨近新年, 個魚塘會放水清塘, 我諗只有一呎水, 但搵左好耐都無結果,

咁就報警啦. 個時警察懷疑個細路仔都係魚塘, 但去到有唔多似啦, 咁咪call埋消防落塘搵啦.但係都沒結果. 

到最後, 原來個細路仔理埋左係床下底, 咁d警察消防收隊啦, 但過左10分鐘後折返, 哩次係唔見左個
消防呀, 原來開車先發覺少左一個, 個時無手提, 無call機年代, 咁我地全村又出動去搵, 記得都太陽落山.

都係搵左好耐, 都係無結果, 咁有個消防記得佢頭先有落魚塘搵個細路仔, 咁又返番去睇下啦.
咁差不多4, 50人去睇下, 結果真係魚塘底搵到佢... 但個時都以經死左啦.

但明明個時好多人係魚塘都唔見佢出事? 另外只有1呎水深, 會浸死個消防?

結果, 村長覺得太危險將個魚塘填平, 我聽d長輩講, 個魚塘係有d野, 但係咩呢, 連佢地都唔知.

作者：elfchan30