生葬 (人柱)

記得大約10年前吧, 轉工去了一間做建築工程, 有時都會接d丁屋工程, 我呢d圍村仔 對新界又熟, 所以個時老闆叫我跟呢d工程啦.

記得有次接左個工程係將一間有接近百年歷史舊宅拆左然后起返一間全新.地點係上水附近. 咁我就同積司一齊去look, look, 影d相番去比designer點設計啦. 去到先在村口打電話叫屋主帶我地入去. (各位師兄你地唔好亂入圍村呀, 唔係無啦啦比人打鑊金就唔好啦) 等左佢差唔多30分鐘先出現. 佢就帶我地幾條友仔入去啦, 差唔多要行30分鐘啦. 唔怪得啦.

去到先發覺原來間屋係邊境出面, 我地無禁區紙, 點都唔入去, 點知屋主話無問題啦. 有咩事佢負責, 好啦, 橫掂都理左, 去look, look啦, 形容間屋, 係一間木屋, 用瓦做頂, 有d似祠堂風格.睇理以前係一個好有錢地主起. 聽屋主講佢地唔係度住都有40~50年, 間屋想整番好, 然后搬番過來.

咁我地準備開工度呎啦, 但我同parnter成日都感覺都有人望住我地, 但係點望又唔見有人. 我個parnter就問我, 理到就成身都有d寒. 我話, 理d屋有咁歷史, 多數都唔好惹. 但有屋主係度, 我地都係做野嗟. 無事既. 

其實我望隻窗有個人望住我地. 但係我望入去點都望唔清楚佢係乜呢.男定女呢.  都係唔好理啦. 度完就影相番去啦. 

番到公司樓下放低菲林 (個時數碼相機未流行), 然后就同老闆report啦, 真係接的話, 要去警處申請禁區紙, 另外開工好麻煩. 咁老闆話諗諗先.. (接唔接就睇下屋主比幾多budget), 去食午餐順便羅d相返去做report. 去到攞相, 個店員話個菲林有問題, 所有野都影唔度. 心諗, 有無咁蹻呀..返去同老闆講啦, 被佢鬧度我呀. 邊關我事呀.  要我聽日自己再入去影啦.

我同個parnter講啦, 問佢去唔去, 佢話又第二個job,, 聽日唔得啦, 咁我再聯絡屋主話聽日再去影相, 叫佢12:00係間屋等我啦.(老人家講, 個時陽氣最盛)

番到我自己屋企, 就去問d長輩要注意野啦, 講真我都覺有d野, 所以要小心點, 聽長輩講, 以前d有錢佬會用d生人做地基, 柱位. 話對后人好有利. (都唔知古時邊個諗埋理d野, 咁做法唔怕折墮). 話如果d柱位地下有記號, 因為真係重建, 咁就放左d冤氣出理. 最好唔好做, 真係做就返去辭工, 唔係就麻煩. (聽完我就記係心度.), 咁第二朝去之前打比老闆就話番我聽個d野啦. 咁佢都叫我睇左先決定.

第二朝到左, 我就係間屋四圍睇下, 發覺有四條柱真係有d記號, 好次係符個種, 我就再影相, 今次連屋都唔入啦, 影完就算.

跟手問下屋主個背景啦, 聽佢講話間屋係佢太爺個時起, 都有番咁耐, 就問佢有無住過啦, 佢話無住過, 不過見間屋咁大, 重建再賣出去可能賣到下錢...

番到公司, d相都係晒唔出, 我就同老闆講返, 我話如果接左就會好麻煩, 加上去邊境出面, 成本都好大.另外你接左, 我就唔露做.  最后老闆都決定唔接. (心諗, 我同佢都有d驚), 最后聽番, 個間屋都無人接理做, 可能真係成本高啦.

后話: 好似係九龍都有呢d建築物, 聽講係雷生春堂 (塘尾道, 荔枝角道交界), 真係唔好重建, 無穿無幹, 都唔好諗..

作者：elfchan30