小學個陣時, 秋季旅行唔係去新娘潭, 就去城門水塘.
咁寫個六年班左右個故仔. 我間鄉村小學大約11月就去所謂秋季旅行, 咁我六年班就去流水響, 其實我都羨慕五年班去植物公園... (我個時真係未出過香港呀.)
咁個日天氣都差, 落雨, 真係老鬼套, 去旅行先落雨..都11月啦. 咁我由元朗去到個邊都好耐, 其實睇番真係好近, 可能細個, 覺得好鬼耐
去到目的地. 聽完老師訓話, 話3點集合, 就各自四散, 我就四個傻仔週圍行啦. 吃下呀媽整D飯. (你地唔好以為會有三文治, 汽水, 果汁..一D都無, 我地鄉下仔無理D福氣)
唉..又落雨, 都唔知有咩行, 咁就向山個邊行啦, 或者捉D豹虎玩 (如果你地有番咁上下大, 一定知咩叫豹虎)
我地有個傻仔捉到隻紅孩兒, 我地當然唔憤氣啦, 咁就向山上面行, 希望我地都捉到幾隻就發達啦. (個時一隻紅孩兒可以買$10.00. 係我個年代好好駛. 咁行入草叢搵啦, 點知我地其中一個傻仔踢到D野. 咁望下係咩野啦, 原來係個頭骨一個... 咁就再望下其他地方. 見有D堆人骨係到, 我地嚇嚇死啦, 係山上面踢到呢D野.
咁我四條傻仔就跑返落山, 其他同學問我地咩事, 我就話踢到剛才D野.. 咦. 最肥個個呢...係邊呀...
咁剛剛隔離班個女老師行過, 我地話比佢聽剛才D野. 咁佢就行番我地條路搵個個肥仔...
但係等左好耐都唔見回頭, 所以都係搵個地個班主任先啦. 見到佢又話番剛才D野, 佢真係醒, 叫我地帶路睇下啦..
去到個度, 唔見到個女老師同肥仔, 咁話前面有堆人骨啦, 點知我地班主任話無野喎, 你地班死仔老作呀!
明明真係見到...唔通我地真係眼花.., 個班主任都醒, 係到四圍望, 會唔會有金塔呢.. 我都有睇, 有無喎. 咁就比佢扭耳仔番去啦, 特然個天又落大雨, 咁唯有番旅遊巴避雨. 點知見到肥仔係架車上面.. 咁我問佢頭先去左邊, 可能怒我地啦, 佢一粒聲都唔出. 咁鬼小氣架.
個天係咁落, 個班老師決定提早回塘... 準備開車個陣, 我地班主任問我地係唔係見隔離班個女老師, 我話係呀, 話佢去左頭先搵肥仔呀..
咁頭先我地都去過, 證明唔係個邊啦, 咁我地班主任問個肥仔見唔見個女老師啦.....個肥仔就話..
"佢係我個墳度, 你地去搵下" 個時個肥仔把聲原本係男仔聲變左個女人聲.. 我地個班立即係到大叫啦..(我老豆講D野, 真係全中), 咁我地嚇到全部落晒車啦, 比雨淋都唔敢返上去啦, 個D女同學嚇到個個流馬尿呀...(我好D, 我見過三死次)
都係成年人夠膽, 就問個墳係邊處.., 咁我最好彩, 要陪個D老師搵, 咁就去番頭先度啦, 都唔係度.. 咁我就再向山高D地方搵啦, 今次就見到個墳啦, 但係個墳就爛左, 可能落雨沖爛個墳褂, 但係我老死都唔敢行埋去啦, 係個處哎D老師上去啦, 我記得我地班主任就跑上去. 真係見到個女老師訓係個度... 咁就拍醒佢啦. 問佢點解係到.. 佢話搵肥仔.. 之后就唔知咩時, 我見佢望一望個度, 都嚇到流馬尿呀....
既然無咩事, 就返去旅遊巴, 重有個肥仔個單野要解決, .... 番到去, 見到個肥仔訓著左, 我個都班主任又拍醒佢, 佢今次正常啦. 好彩無咩時, 問番佢, 佢就話唔知呀...
咁大家暫時都無野, 就開車走啦, 不過我地點迫, 都唔敢左肥仔個邊, 連個司機叔叔都話,"大佬, 我係楂車架.. 唔好搵我呀"
去到路口, 見我地班主任落車, 去一間士多, 之後又上番車, 然后我地安全回到元朗, 咁聽番肥仔老豆又係捉佢去村口土地公公拜神燒野啦..
后話: 跟住我就升中一啦, 然后聽番, 我地班主任係同個女老師有野, 怪唔知咁鬼緊張啦..., 另外有次係錦田D吧見到佢, 就問佢點解要落車, 佢諗左好耐, 真係年記大, 佢話士多個D人聽, 個殯主個名, 叫佢地同知佢後人善後
作者:elfchan30