綠光

我周不時 去上海北京等地方出差, 講番一個上海一個個經歷比各位師兄分享.

話說應該係1992年左右, 小弟第一次出差就去上海, 個時個機場係叫虹橋機場, 小第一到步就有個邊同事接去酒店. 個時我都唔知住邊間酒點, 係上海同時幫我訂的.

去到酒店, 嘩, 唔係褂....係一間民初建成的酒店, 個名叫金門大酒店, 好次係南京路左近啦. 去到房間, 打開們, 我又嘩...d裝修真係民初一樣...床上面係有蚊悵...連冷氣機都無.....

好彩去個時係4月左右, 所以天氣都好似香港冬天一樣. 咁無所謂啦. 最緊要有熱水, 電視有都無用, 係講國語, (小弟個時都未識聽講國語) 我諗, 死啦, 係哩度要住8日, 悶都悶死啦..

咁第一晚都平平安安, 可能真係好累, 所以無乜事啦..但係第二晚就有d奇怪事啦.

個晚同d大款吃完飯就返去酒店, 咁就去沖涼啦, (我一個人住所以無閂門就沖涼) 特然聽到出面有d聲, 係一男一女對話, 我就問, 是誰呀? 但有無人應喎, 唔通係電視機, 咦. 明明返來都開架...咁就拿能沖完出去look look 啦. 真係驚d小偷入左喱, 個時聽d同事講, 一定要小心.

出左去, 見電視機無開著, check check d証件銀包係唔係度啦, 又係度喎? 唔通係隔離傳過來?

唔, 都有可能, 咁就訓啦, 差唔多訓左一個鐘左友, 我又比d男女聲嘈醒, 當我一開眼睇下, 咦, 個天花板上面好似有d綠光係上面, 望左唔夠5秒, 個d綠光就無晒, 連d男女聲都無埋...

我諗...唔係褂, 出差都咁邪...住左間咁既房架? (根據經驗, 有綠光出現都係唔會好野) 都係望清楚好d. 咁係床上用隻右眼睇下啦, 見到有個女人坐左係近窗邊張凳度.面向大街..郁都唔郁.. (應該係啦, 我只見到佢背脊) 跟住我老死都當睇佢唔到啦, 雙眼合埋...但係就聽到d聲係耳邊傳過來, 我記得就係用國語講 “你見到我….?” 個時老死都當聽唔到, 係心到諗, 唔好有反應呀. 過左一陣, 個把聲就無左.

到第三晚,我就要求換房啦.. 個時識英文同志真係好少, 好彩有個識講廣東話男經理係度, 佢就問點解換房啦, 我話唔好問, 我一定要換房, 咁就問我住邊間, 我話住322號. 跟住見佢聽完,就跑去reception個度鬧d女仔鬧得好大聲.

然后就同我講, 唔好意思, 我幫你換一間. 係8樓, 802啦. 我話好呀, 我就問返個男經理係度鬧咩, 佢話無事..

上度房, 之后就咩事, 安安樂樂..


到近幾年, 我唔覺意同d上海同事講返啦, 個老上海同我講, 你係唔係住係322呀. 我話係呀, 佢就話個間房成個上海都知係唔租出去架, 跟住就問我有咩經歷啦. 我就照講啦….

后話: 住酒店一定要新, 個d有返60~70年歷史,切記唔好注. (係大陸, 新既酒店無得頂, 舊既酒店無得整...)

作者：elfchan30