船

係香港未開發之前, 就有人係度生活, 在陸地統稱就是原居民, 在海就係漁民. 係香港, 各位都知道有好多避風塘, 漁港.. 香港仔, 鯉魚門就最出名, 以在我地個邊, 就有流浮山, 青山灣. 呢個故仔係一個上左岸生活老漁民講比我地聽..

話說都有60~70年啦,  個時屯門元朗真的很落後, 聽講青山公路剛剛起好.,但當時起好都無用啦, 唔會有巴士入去,  (年代久遠, 所以唔會求證), 如果你真係要出城, 香港等地, 坐船是個是唯一最方便. 而老人家個時都係11, 12幾歲. 聽佢講, 個時d船好多都係用帆, 好少用機器, (個時邊有錢買呀.)

如各位都知香港3~4月最大霧, 個時更加大霧...好多撞船意外, 另外8~10月就係風季. 更加大獲啦.

聽佢講, 有次出海, 個日天未光就發, 到天光左右就去到吸水門附近, (馬灣, 柏麗灣個邊) 個時天氣真係差到連前面3呎都睇唔到, 所以老人家個老豆要好小心揸船, 另外吸水門係當時最危險地方, 好容易有意外. 當差唔多入吸水門時. 見隻船擺得好犀利, 個時佢都驚隻船撞到石, 咁就大吉利是.

個時佢老豆決定停低隻船, 真係怕出時, 等d霧散晒先再行, 但係等左好耐, d霧都唔散. 當時好無聊就走去船頭. 見前乜都睇唔到, 點知,行返到船倉, 船尾都唔見佢成家人, 搵埋成隻船都唔見左? 佢地去左邊呀.. 個時聽老人家講, 佢嚇到係度喊. 

當個天散晒d霧個陣, 佢發現跟本就唔係吸水門, 原來係赤臘角附近, 唔通頭先隻船漂返轉頭, 但當時水流無理由漂去個邊. 但最重要係搵番d家人先. 唔通頭先係船頭個陣, d家人跌晒落海? 當佢六神無主個陣. 個天d霧有再起番. 但照理霧散左, 就好少會再有霧. 特然佢聽到船尾有人叫佢, 佢諗都唔諗就跑去船尾啦, 但只聽到d聲係海面傳過來, 當佢個頭向下望個陣, 就被人用手拉左落海.

當佢醒返就發然係馬灣, 原來佢比個邊d村民救起, 當佢話點解係度啦, 個d村民就指一指個邊, 見佢隻船擱淺左係個邊, 咁就問佢d家人啦, 佢地有指一指另外一邊. 見佢d家人死晒, 只死剩佢一個....

聽到呢度, 我就問老人家點解會係咁呢, 老人家講佢都唔知到, 但係只知日后好淒涼. 我都無在追問, 不過聽老一輩講, 以前吸水門係船個墳墓, 好多時d船會比吸左入海.. (我就未經過, 可能現代d船好大隻同好快啦.)

后話: 搵日要走入去馬灣聽聽個度d老人家講下個度d見聞先得.

作者：elfchan30