荃錦公路

我細細個個年代, 係未有屯門公路之前, 差不多元朗出九龍市區多數會行荃錦公路 (唔駛經過屯門嘛),但到夜晚就會好少車行過. (可能成晚都可能無車行)

個時我地同村d小朋友, 夜晚就會跟d哥哥去荃錦公路挖貓眼石, 好靚架. (個時d郊區好少有路燈,多數會用貓眼石當指示)

我記得有一次又夏天又跟d哥哥去挖貓眼石, 個日應該無月光,所以個日特別黑, 我地成班就係馬路中間分開挖啦. 特然就聽到一下"磅"一聲及一下慘叫聲. 

個時我都好細, 所以唔知咩事, 見d哥哥羅個電筒照下, 原來有個哥哥比架車撞親, 個個哥哥就訓左係路中間.

咁其他d哥哥就跑去架車睇下啦, (我都夠八卦, 我都去睇下), 見到個司機唔係架車裡面, 咦, 個司機呢...., 當時我地諗到頭爆都唔知點解個司機唔係度, 唔通架車會自己行? 

個時我地d細路仔個個係膽生毛, 邊會知驚呀, 所以就有哥哥一腳踢落架車度門度, 咦, 點解一腳就踢穿, 咁其他哥哥都有樣學樣啦, 都係一野就穿, 我唔記得邊位講, 嘩, 呢架咩野車呀, 咁化學.

但係我就發覺有d唔對路, 點解架車有d竹枝? 及擰返轉頭睇下訓低個個哥哥啦, 咦...點解個個哥哥隻腳會有竹枝突出理.. 咁我就拉住其中我最熟個位哥哥啦, 我話番比佢聽, 訓低位哥哥咁似紙紮公仔. 咁佢用電筒照下啦, 原來真係呀, 咁其他哥哥就照番架車, 原來架車都係紙紮..... 

嘩, 我地雞咁腳就跑啦, 我又細個, 一路跑一路喊一路瀨尿, 跑左好耐, 見到前面有個警察 (唉, 諗返個時邊會有警察行過), 咁就話見到頭先d野啦, 個警察叔叔話等佢去睇下, 咁就跑坐上去, 個時我地都望番佢背脊, 咦...點解佢雙腳唔郁都可以跑? 咁我地又叫又跑番返去我地條村啦.

番到去, 講比老豆知, 點知比佢老人家打到我跳舞..打完就講, 都講左七月唔好出夜街,(原來係七初一, 個日無月光) 你又唔聽.. 跟住就捉我去村口拜土地公公燒野啦, 唉.....個單野, 我足足瀨左幾晚尿...

后話: 都係d老人家講得對, 農曆七月都係少d出夜街好

作者：elfchan30