荒廢小屋玩WarGame，打到既唔係人？

唔知呢度有冇人玩 WAR GAME 呢…10 幾年前曾經係 WAR GAME 迷既我..當時係跟一班朋友揸車去荒郊野外玩 ( 因為唔洗比場費 又自由D ),,星期日日頭就打樹林,山頭..星期六夜晚 就打 廢置既屋或工廠 (例如:上水金錢村,青衣大煙囪.青衣 5 廠 ,屯門竇田村後面山仔上既廢置別墅或廢屋..) 我地玩開一鎗死,即中鎗就輸 要暫時離場...
有一次7月14岩岩星期六晚,我地照常去玩,地點係: 而家(屯門寶田村)後面山仔上既廢置別墅..當時我地分 2 隊人, 1 隊攻入屋 另1隊係屋守..全部著迷彩軍服(分2款式)..我係攻果邊我用既係 HIGH CAP + MP5 ( 礶底中至礶底邊 POWER )..其他人都係差唔多既鎗同 POWER...

守屋果隊入晒屋 大叫開始..我地就幾個一組分散四周慢慢走近間屋準備攻入去...我同幾個隊友去到門口附近等機會攻..我望到屋外既圍牆係草叢有人著便服躲藏同時通知隊友,,於是用電筒照一照佢 ( 即等同開鎗射到佢 ) 佢唔郁我就真係用 HIGH CAP 打佢一鎗 ( 有玩鎗既人就知道近距離中一鎗係好痛 ) 佢都係唔郁..跟住我地幾個人一齊開鎗打佢...佢就即走入高D既草叢 ( 玩得好矛 )....唔理佢啦..我地照慢慢攻屋...經過差唔多半個鐘大家既博火,,,一輪鎗聲 同死,,死,,死既聲..( 當然 2 隊都有人死 = 中鎗 ). 我地走到地下屋既後面搜索下仲有冇人...我地見到身邊既野草好似有人行過一步一步踩過一高一低仲有D踩草既聲.. ..跟住就有人大叫..玩完...

我地出返去休息既地方...出到去我地就問 : 頭先邊個咁矛著便服(便服飛虎裝扮 )電筒照到唔死, 中鎗又唔死....D人就話今晚個個都著軍服邊有人著便服呀....我地諗下又係喎..開場時候都冇人著便服...跟住就有人講返頭先見到D草既事.....跟住大家靜晒...一齊即刻執野走...去左屯門市廣場 大利茶餐廳食宵夜...大家講返頭先既野...其中有人話 : 果度曾經有班人夜晚係果度玩飛虎...完左場...走既時候少左一個人大家以為佢 (代名: A ) 走左先....第 2 日...A 既朋友打電話比佢搵佢去街,但冇人聽..打去屋企又話琴晚到而家都冇返過去....D朋友就覺得奇怪去返間別墅睇下...點知見到佢係屋後面既泳池死左 ( 背向天..半浮沈..) 跟住就報警...原來我地開鎗打到既唔係人,係打到..... .....( 呢次之後我就冇再打 WAR GAME.. 同某D朋友玩遊戲...真係怕怕" )

來源：巴打絲打鬼故台 Facebook Group