西貢青爬石露營比鬼搞

幾年前有次去西貢青爬石露營，上到去天已黑，食完準備好曬啲嘢準備訓教。
當時晚上大約十一二點左右，好記得當時用嘅營為six moon designs lunar solo， 因為佢嘅設計比較適合單人露營。
當晚十分之寧靜，靜到有啲奇怪，平時的昆蟲聲都消失了。
好記得當時係夏天，加上係位置偏僻，理論上沒什麼人會在此露營。

到左差不多凌晨兩點左右，外面有人講嘢，我就醒左啦。打開個營，照一照，發現外面係無人。我當時以為有人想偷嘢，我就半打開眼訓覺。

不久就聽到人聲好接近我個營，一個大人加一個小朋友，說話聲越嚟越接近，但好奇怪，佢哋嘅對講內容好似一舊舊咁，講得好慢，完全聽唔到佢講乜。

聲音慢慢十分接近我睡的營，就像在跟我說話。
想起身發現全身郁唔到，我只好用半開眼方式，觀察住營底下啲餐具，發現有一個圓形嘅女仔小朋友係度偷偷地睇我訓覺，我大聲講有人係度，但講唔到，全身上下都郁唔到，鬼壓床。

如是者維持咗段時間，個小朋友耐不耐就係度偷睇我，但個樣十分之模糊。
個小朋友不斷左右兩邊偷望我，我又郁唔到，唯有繼續扮瞓覺。突然出現一陣好大嘅風，吹埋我隻營度，我就掙扎到可以郁，一醒當時立即睇睇手錶，大約清晨4：30分。到營外面，睇下有無其他營友，原來空無一人，再周圍睇睇，係遠處就見到有個小型燒街衣龍捲風，吹住係度旋轉，我睇左一眼就無理會，入返營入面訓到天光就執嘢搭小巴到返西貢......

來源：香港人露營分享谷友王先生