赤徑

又講返出理做野頭個年, 去西貢露營, 今次係冬天啦, 老死都唔夏天去, 怕鬼節嘛.

今次是同事攪, 我又成日去露營, 所以諗應該無事啦. 我記得呢次露營有3男3女去. 唉, 原來公主病, 係90年代初以經開始啦.

我地3個男奴隸, 要幫個3個公主羅野, 我還好d, 我呢d圍村仔基本體格還可以, 但個兩位師兄就慘d, 好彩, 由北潭涌入去都唔係好辛苦.

去到目的地, 都唔少人係度啦, 咁就搵個離人群遠d紮營, 男一個, 女一個. 個兩位打壞, 話點都要去女仔個營訓, 我就一個訓. 我無所謂啦, 重好, 一個人靜下. (我當時係一個圍頭仔, 思想單純到你唔信個隻)

到夜晚, 見個天d星星真係比元朗多, 咁又個打壞提議講鬼故啦, 我就話唔好啦, 無啦啦講乜鬼故呀. 點知比人話細膽, 好, 你講我咪聽啦. 個3個公主又要驚, 又要聽, 真係吹漲. (我其實無所謂, 不過始終係郊野. 另外聽我d老人家講, 切記唔好係郊野亂講野, 怕得罪d野)

咁個陣去係冬天, 圍係個火度講啦, 暖d嘛. 咁兩個打壞講個佢地d鬼故啦. 不過我n咁多年前聽過啦, 所以我無乜感覺. 

咁差不多講左幾個左右啦, 我就尿急, 就去方個便, 去完就坐番係度繼續啦.
當完左一個故事, 準備講第二個個陣, 見到其中一個公主舉手, 可能想講褂.

咁佢兩個當然lady first啦. 點鬼知一開聲, 咦....點解係圍頭話 / 客家話既? 重係好塵個隻聲. (基本客家話同圍頭話好似) 我再望一望個公主, 好似有d唔對路. 唉, 都話好郊野講鬼故啦.......

其他人就嚇到係咁叫... 連其他營都就過來睇下咩事, 見個公主坐係個地係咁講野... 好能個班營友都未見過啦, 都唔知點處理..

我迫於無奈啦, 其實我唔想比人知我識個d知識. 我就行埋去, 用隻中按佢眉心, 另外用左手夾佢中指. (我條村d老人家教..) 見佢過左一陣就暈左. 

跟住個班人問咩事, 我都費時講, 怕越講越黑, 就一個人行去舖仔拍門啦, 見個老闆就話要d衣紙啦, 個老闆真係經驗老到, 可能赤經成日發生褂, 好快就執好.. 到我返來, 係個火堆燒d衣紙. 燒完一陣個公主就醒, 就問咩事啦, 我就話你聽聽下累得滯, 訓著左...

到要訓啦. 我都羅返粒玉墜出來, 怕會搵我. 訓都唔夠5分鐘, 個三個公主話要同我一齊訓喎. 我無問題. 一齊啦, 咁兩個打壞點算.. 佢地一齊講, 佢地自己訓....咁無事無幹又到天明, 我好早就起身啦. 見到個草地有達地方少少拱起...唉, 早知睇清楚先紮營啦. (應該係d先人個墓地, 好似聽過有d人唔會有墓碑, 后人會記得係邊個種). 我就話, 有怪莫怪, 細佬仔唔識世界..

到佢地起身就拆營, 去碼頭個邊開餐. 

后話: 各位師兄, 去到d陌生地方, 唔好講鬼故, 唔好亂講野. 另外睇清楚d環境呀

作者：elfchan30