阿娣

話說新界係40~50年代都係農村, 比九龍, 香港落後好多, 個時d人都好純樸下, 受教育機會都唔多. 加上傳統男尊女鄙. 個時係新界d婦女地位真係好差.

另外是戰后, 好多男人係戰亂是喪生, 好多女人都無左老公. 個時圍村傳統係老公死左, 所有田地財產就要轉比d叔伯兄弟. 如果同d叔伯兄弟關係唔好, 好多時女人就會比趕出村成為無家可歸. 孤苦凌丁. 

話說個陣有個女人叫阿娣, 係粉嶺個邊傢過來元朗無耐, 佢老公就戰亂中比日軍所殺. 當香港重光個陣, 就比佢老公d兩個兄弟迫佢交出田地財產. (如果係今日, 報警拉人啦) 講真, 係我懂性個陣都有呢d傳統, 所以我覺得真係唔公平. 

咁阿娣好無奈就比佢老公d兄第趕出村, 一個女人之家去得邊呀, 加上個陣d人超級迷信, 返娘家又會比人當做不詳人.

過幾日, 有個村民係魚塘發現左阿娣條屍, 死時係著晒紅衣. (傳說著成咁係會邊成厲鬼), 個時個村長見到都覺得將來會好麻煩, 咁就叫d道士做d法事超渡下.

如是者, 差唔多過左兩個月, 惡夢就開始, 有朝早, 有個村民發然一具男性屍體係魚塘到, 原來係阿娣其中一個叔仔, 死個陣係全身著到紅色衫褲.. 當時所有村民都驚啦. 咁村長知道后都去搵d高僧返來超渡. 但係村長覺得點都要係魚塘把守, 防止再有人比害.

咁又過左幾日, 今次就到阿娣個大伯啦, 死狀同佢叔仔一樣, 但係今次明明派人係魚塘把守都會死人. 但把守d人個個都話無見到, 更加唔知點解佢會係到...

當時每個村民都提心吊膽啦, 怕下個係自己..個個都跑去村長個邊嘈, 問佢點解決啦. 個陣村長都六神無住啦, 你問我, 我問邊個呀. 

咁村長好無奈就走去青山寺, 搵個高僧同佢講啦. 咁個高僧同佢講: 佢目的都達到, 唔會再有人受害, 另外防止悲劇再發生, 建議以後廢除呢d野.. 但講真係個個年代係無人會咁做...

各位看完, 會唔會覺得有d熟呢.. 其實講個個魚塘就係之前d post. 消防員同大肚婆個個魚塘. 最后比填平左...


后話: 雖然我都係原居民, 我都覺得以前d傳統真係唔好, 希望時代進步, 唔會再有呢d野啦...

作者：elfchan30