驗屍

係香港, 做法醫係好少人會做, 因為要成日處理唔同屍體, 搵死因, 然後就出死亡証, 但香港又比較特殊個地方就係中西文化唔同.

做得法醫係要用科學醫學角度去寫報告, 但係有d係無可能用兩者判斷. 講番老一輩法醫多數有兩份驗屍報告, 一份係交比上頭, 一份就自己參考. 個故仔就係一個對退休法醫講比我地d後輩聽故仔.

故事開始係50, 60年代左右, 佢當時係香港大學畢業無耐, 咁佢當時就派去東華東院就實習醫生. 個間醫院成立係30年代, 都有番d日子. 

個個年代差不多每個新仔都比人恰啦, 佢都唔例外, 但係如果牛脾氣個d, 個院長多數調佢去殮房驗屍. 你諗下, 有邊個鍾意驗屍呀. 當時點都要忍啦, 唔係去邊間醫院呢, 個個年代, 香港大醫院真係唔多, 每個新仔起碼要係大醫院做兩三年先可以出去私人執業.

咁佢就好無奈就去個度報到, 成個殮房主管加佢都係兩個人. 咁新理新豬肉, 個主管就將所有工作比晒個新仔做, 佢就成日出左去. 但佢未做過驗屍, 往往有d事前功夫唔知點做. (中國人個d傳統, 鬼佬邊會有呀).

返工第四日, 就收到一件男屍, 聽忤作講係摩星嶺大口環附近個邊收番理. 無身份証明文件, (個時邊學似依家要帶身份証出街呀), 咁佢安排係驗屍間等陣再驗, 然後就去吃午飯. 大約下午2:30半吃完午返去. 準備開工驗屍啦, 點知係驗屍間唔見個條屍. 咁睇下記錄又無人簽過到, 即係佢出去到依家都無人來過...

心諗會唔會呀頭番過來, 幫佢放係屍格呢, 但又諗下, 邊有咁好死呀, 況且搬屍起碼要兩個人先掂. 咁條屍去左邊到呢.. 咁到第二日番工, 個主管睇下琴日d記錄, 就問個新仔, 條屍驗完未, 係咩死因, 要寫report上去, 然后出死亡證. 咁個新仔就話吃完飯番理就唔見左條屍. 個主管聽完面都白晒, 唔見屍體好大鍋. 問佢點解唔去搵下, 個新仔講可能有人玩野. 個主管講, 點玩都無人會用屍體來玩, 你快d認真去搵! , 唔係你我都好大鍋. 聽完就開始驚, 驚比人知道後出唔到去做私家醫生.

咁佢就同個主管係間醫院搵, 但都無結果, 當返到殮房, 見條屍又訓番係驗屍間張檯上面, 咁佢兩個就話: 唔係褂, 我地無眼花嘛. 咁佢兩個就唔理咁多啦, 快d驗好就出報告. 條屍身上無明顯傷痕, 即唔係外來引至死亡, 咁就解剖睇下咩引至死亡啦. 點知將個肚解剖開, 就發覺係無晒d內臟, 咁個主管做左咁耐都未見過理過咁情形. 咁佢地決定縫返啦, 然后放返屍格, 等人認屍 如果無人認屍就會送去沙嶺果度.

但係個份報告點寫呢, 唔通寫唔見晒d內臟至死咩. 如實報上去, 上頭一定唔信啦, 一定話我地有病. 但點寫好呢, 咁佢兩個商量就寫心臟病發至死.

都等左一個禮拜都無人認屍, 咁就準備送去沙嶺個邊, 點知打開個屍格, 條屍又唔見左? 今次佢兩個人都唔知點算, 咁就打開所有屍格睇下啦, 
個新仔打開其中一格, 都唔係個個男屍, 就閂番度門, 不過就睇清楚d, 個屍袋打開過, (應改係無人會再打開), 咁就叫個主管睇下, 個主管記得個條屍死因係腦中風死的, 但睇下佢個肚好似唔同左, 咁佢兩個打開個屍袋再睇清楚, 發覺個條屍個肚打開左, 再睇真d, 點解d內臟唔見晒……?

咁佢地打開晒所有屍格睇下, 發覺所有屍體d內臟都係一樣唔見晒…… 咁個條唔見左條屍又去左邊呢….?

佢兩個當時都唔知點report 上去啦. 問返個日送條屍個班忤作, 佢話個日跟本做無送屍過來, 個日根本無發市..

咁….最后佢地見到個條屍係咩呢, 眼花定係.....? 最后佢地都寫返個自己睇的報告就close file

后話: 我都問個結局係咩, 最後都係無答案…….(世事真係無奇不有)

作者：elfchan30