黎婆婆

另外有次, 我出去踢波,  踢到11點啦,返到村口都12點啦
我見到我條村個黎婆婆坐係巴士站度, 如果你地去過新界都有留意d巴士站有個亭.
我就問, 黎婆坐係到做乜啦, (圍頭話對答)
佢話等人接佢, 我話等人接你去邊呀, 去元朗市呀, 佢話唔係呀, 
咁我就無理佢返去啦.
到第二朝, 我同我阿媽講, 我話緊晚見黎婆婆坐係出面等人接, 間住呀媽問我幾時見到, 我話差唔多12點啦. 我呀媽話佢琴日下午四點過身啦, 你係咪眼花呀, 我話點會呀, 我都同佢講野.
跟手就去佢屋掛坐白燈籠就係真啦, 我同佢孫仔, 即係我老死講番理件事啦, 佢老頭講可能最後無見我, 在村口等我吧. 

後話: 黎婆婆當我係佢個孫看待

作者：elfchan30